ԱԺ սոցիալական հարցերի մշտական հանձնաժողովի նախագահ Հակոբ Հակոբյանը լրագրողների հետ հանդիպման ժամանակ ասել է, թե կառավարությունը նախաձեռնել է փոփոխություններ մտցնել ՀՀ աշխատանքային օրենսգրքում։

-Օրենսգրքում 109 հոդված կա, որոնք արդեն փոփոխության կարիք ունեն՝  պայմանավորված ստեղծված արտադրական և հասարակական հարաբերություններով։ Մենք դա վերարտադրում ենք օրենքի տեսքով, որպեսզի վաղը դա լինի ավելի կիրառելի,-նշել է նա։

Ըստ Հակոբ Հակոբյանի՝ հարցը քննարկման փուլում է, և իրենք տարբեր քննարկումներ են անցկացում ՀԿ-ների հետ։

-Փոփոխությունների իմաստը հետևյալն է. բացի արհեստակցական միություններից, ցանկալի է, որ հիմնարկներն ու ձեռնարկություններն ունենան նաև  աշխատավորների ներկայացուցչիների մարմին, և նրանք համատեղ կպայքարեն աշխատավորների շահերի համար ,-նշել է նա։

Այն հարցին, թե արհեսատակցական միությունները հիմա իրենց չեն արդարացնում, արդյոք կարդարացնի՞ իրեն նոր մարմինը, Հակոբ Հակոբյանը պատասխանել է, թե համատեղ նրանք կկարողանան ուժեղ գործել։

7or.am