ԱԺ ՀՅ Դաշնակցություն խմբակցության անդամ Ռուզան Առաքելյանը և «Ժառանգություն» խմբակցության պատգամավոր Վարդան Խաչատրյանն անդրադարձել են ԱՄՆ Կոնգրեսի արտաքին հարաբերությունների հանձնաժողովի ընդունած բանաձևին։

Ռ. Առաքելյանն ասել է, թե դեռ պետք է սպասել՝ այն հետագայում ինչ ընթացք կարող է ունենալ.

-Մինչև Թուրքիան առանց որևէ նախապայմանների ուղղակի կամ անուղղակի Հայաստանի հետ չմտնի հարաբերությունների մեջ, չեն կարող այս երկու երկրների դիվանագիտական խնդիրները հարթ առաջ գնալ։ Այն, ինչ արվում է դրսում՝ արտաքին քաղաքականության մեջ, մեզ համար ընդունելի է, դրվատանքի է արժանի։ Բայց, ի վերջո, երկու երկրները պետք է իրենց խնդիրները լուծեն։

Վարդան Խաչատրյանը, ով ընդգծեց, թե ներկայացնում է ՍԴՀԿ-ն, ասել է, թե ինքն այդքան էլ չի հավատում, որ դա «100 տոկոսով հայկական լոբբիի արդյունք է»։

-Թուրքիան ամենաքիչը երկու անգամ ցավեցրել է ԱՄՆ-ին,-ասել է Վարդան Խաչատրյանն ու ավելացրել, թե Կոնգրեսի արտաքին հարաբերությունների հանձնաժողովի որոշումը Թուրքիայի դեմքին իջեցված դիվանագիտական մահակի հարված էր։

7or.am