ՀԱԿ ներկայացուցիչ Վլադիմիր Կարապետյանը «7օր»-ի հետ զրույցում պատասխանելով այն հարցին՝ արդյոք Հայոց ցեղասպանության ճանաչման վերաբերյալ բանաձևը կմտնի՞ ԱՄՆ Կոնգրեսի լիագումար նիստ՝ ասել է՝ բնականաբար, ոչ։

-Առաջին՝ արձանագրությունների հրապարակումից հետո կողմ և դեմ քվեարկած կոնգրեսականների հարաբերակցությունը նվազել է, երկրորդ՝  Քլինթոնը հայտարարել է, որ Օբաման փոխել է իր դիրքորոշումը Ցեղասպանության հարցում։ Եվ այս ամենի համար մենք պետք է շնորհակալ լինենք այն դիվանագետներին և քաղաքական գործիչներին, որոնք  նախաձեռնել էին հայ-թուրքական արձանագրությունները,-նշել է նա։

Այն հարցին, թե ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի կողմից Հայոց ցեղասպանության ճանաչման մասին 252-րդ բանաձևի ընդունումն ինչպե՞ս կանդրադառնա հայ-թուրքական հարաբերությունների կարգավորման վրա, նա պատասխանել է, թե կարծում է, որ հաշվի առնելով Թուրքիայի ջղաձիգ արձագանքն ու սպառնալիքներն ԱՄՆ-ի ուղղությամբ՝ ենթադրվում է, որ Թուրքիան կփորձի օգուտներ քաղել։

-Նա կփորձի բազմապատկել ճնշումն ԱՄՆ-ի վրա՝ ակտիվացնելու վերջինիս ջանքերը Լեռնային Ղարաբաղի հակամարտության կարգավորման  ուղղությամբ։ Ես ակնկալում եմ, որ Ղարաբաղի հարցում ակտիվացում կլինի,  Ցեղասպանության ճանաչման բանաձևն այլևս կանգ կառնի և հաջորդ ատյանում չի լինի,-նշել է նա։

7or.am