Հոկտեմբերի 27-ին, ժամը 02:19-ին «911» ծառայությանն ահազանգ է ստացվել, որ Վայոց ձորի մարզի Սարավան գյուղի մոտակայքում ավտոմեքենան արգելափակվել է ձյան մեջ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը:

Փրկարարները Մ-2 ավտոճանապարհի Երևան-Մեղրի հատվածի 165-167-րդ կմ-ին արգելափակումից դուրս են բերել 4 մարդատար և 2 բեռնատար ավտոմեքենա:

***

Հոկտեմբերի 27-ին, ժամը 00:01-ին «911» ծառայությանն ահազանգ է ստացվել, որ Սոթք-Քարվաճառ ավտոճանապարհին տեղացած ձյան պատճառով կան արգելափակված ավտոմեքենաներ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները Մ-11 ավտոճանապարհի Սոթք-Քարվաճառ հատվածի 28-36-րդ կմ-ին արգելափակումից դուրս են բերել 8 բեռնատար և 13 մարդատար ավտոմեքենա: