Հոկտեմբերի 16-ին մահվան ելքով վրաերթ է տեղի ունեցել Երևանում: Ժամը 15:00-ի սահմաններում Երևանի ճանապարհային ոստիկանության օպերատիվ կառավարման կենտրոն ահազանգ է ստացվել, որ Ռուբինյանց փողոցի թիվ 6 հասցեի դիմաց անհայտ մակնիշի և համարանիշի ավտոմեքենայի վարորդը վրաերթի է ենթարկել հետիոտն, 64-ամյա Ալիսա Զաքարյանին:

Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը մարմնական վնասվածքներով տեղափոխվել է Սուրբ Գրիգոր Լուսավորիչ բժշկական կենտրոն, որտեղ ժամը 18:30-ի սահմաններում վերակենդանացման բաժանմունքում գիտակցության չգալով՝ մահացել է:

Ֆոտոլրագրողի տեղեկություններով՝ մինչ ոստիկանները փորձում էին պարզել վրաերթ կատարողի ինքնությունն ու ավտոմեքենան, հիվանդանոցից ոստիկանության Քանաքեռ-Զեյթունի բաժին է մեղայականով ներկայացել Երևան քաղաքի Նոր Նորք վարչական շրջանի բնակիչ, 32-ամյա Ալեքսանդր Կյուտիկովը, ով հայտնել է, որ վրաերթը անզգուշաբար կատարել է ինքը՝ իր վարած Mercedes մակնիշի 16 PP 333 համարանիշի ավտոմեքենայով, որից հետո օգնել է վրաերթի ենթարկվածին տեղափոխել հիվանդանոց, իսկ հետո ինքնակամ ներկայացել է ոստիկանություն:

Մանրամասները՝ shamshyan.com-ում։