ԱԺ-ում ՀՀ նախագահի ներկայացուցիչ Գառնիկ Իսագուլյանն ասել էր, որ մադրիդյան սկզբունքների նորացված տարբերակի վերաբերյալ ՀՀ-ն իր առաջարկները հստակ արել է։

«7օր»-ը փորձել է ՀՀ ԱԳՆ-ից ճշտել, թե արդյոք դա այդպե՞ս է՝ Հայաստանն իր առաջարկները ներկայացրե՞լ է։ Մեզ հետ զրույցում ՀՀ ԱԳՆ մամլո խոսնակ Տիգրան Բալայանն ասել է, թե հարցի հստակ պատասխանը երկու օր առաջ մամլո ասուլիսի ժամանակ արտգործնախարար Էդվարդ Նալբանդյանը տվել է, և ավելացնելու որևէ բան չկա։

Հիշեցնենք, որ ասուլիսի ժամանակ ՀՀ ԱԳ նախարարն ասել էր. «Սա աշխատանքային գործընթաց է, և աշխատանքային գործընթացի ժամանակ կողմերը միշտ էլ ներկայացրել են աշխատանքային առաջարկներ, որոնց վերաբերյալ արձագանքներ են եղել։ Սա շարունակական գործընթաց է և կտևի այնքան ժամանակ, մինչև կողմերը չմոտեցնեն իրենց դիրքորոշումները բոլոր հարցերի շուրջ և չհարթեն հակասությունները։ Սա աշխատանքային գործընթաց է, և այստեղ որևէ արտառոց բան չկա»։

7or.am