-Քաղաքականությամբ զբաղվող յուրաքանչյուր մարդ կարող է, պարտավոր է և իրավունք ունի կանխատեսումներ անել, իսկ իրականանալու կամ չիրականանալու դեպքում հիմնավորել այդ կանխատեսումներն ու արդյունքները,-Հայ ազգային կոնգրեսի կողմից արտահերթ ընտրությունների հստակ ժամանակացույց սահմանելու վերաբերյալ խոսելիս «7օր»-ին ասել է ՀԺԿ վարչության անդամ Գրիգոր Հարությունյանը։

Նա նշել է, թե արտահերթ ընտրությունները շատ հավանական են՝ հաշվի առնելով ներքին և արտաքին գործընթացները։ Արտահերթ ընտրությունները, նրա խոսքերով, ոչ միայն հնարավոր են, այլև անհրաժեշտ. «Խոսքն ավելի շատ անհրաժեշտության մասին է։ Իրավիճակից դուրս գալու ամենաճիշտ տարբերակն արտահերթ ընտրություններն են տրամաբանական ժամանակահատվածում։ Մենք կարծում ենք, որ եթե այդ տրամաբանական ժամանակահատվածում տեղի ունենան համապետական ընտրություններ, դա միակ ճիշտ քայլն է այսօր երկիրն այս իրավիճակից դուրս բերելու համար»։

Գրիգոր Հարությունյանի խոսքերով՝ եթե արտահերթ ընտրությունները տեղի չունեն, այդ ժամանակ Հայ ազգային կոնգրեսը կտա դրա հիմնավորումները։

7or.am