-ՆԱՏՕ-ի կամ Եվրամիության անդամ երկրները ներքին ցուցում ունեն չճանաչել կամ չբարձրացնել Հայոց Ցեղասպանության միջազգային ճանաչման խնդիրը, քանի որ դա կարող է խանգարել հայ-թուրքական հարաբերությունների կարգավորմանը և այս արձանագրությունների վավերացմանը,-«Հայացք» մամուլի ակումբում ասել է «Ժառանգություն» խմբակցության ղեկավար Ստեփան Սաֆարյանը։

-Եթե Թուրքիան չբավարարի Միացյալ Նահանգների շահերը, ապա չի բացառվում, որ Օբաման իր ուղերձում օգտագործի «ցեղասպանություն» բառը, որն իմ կարծիքով շատ ավելի քիչ նշանակություն ունի, քան ԱՄՆ Կոնգրեսում Ցեղասպանության ճանաչման բանաձևը կարող էր լինել։

Ստեփան Սաֆարյանն ասել է նաև, թե Միացյալ Նահանգները երկարաժամկետ կտրվածքով Թուրքիայի վարքագծի վրա ազդելու խնդիրներ ունենալով՝ երբեք չեն գնա իրենց  այդ գործիքից միանգամից զրկելու ճանապարհով։

 7or.am