Բաքվի դատարանն ուժի մեջ թողեց Ադրբեջանցի հայտնի բլոգեր Մեհման Հուսեյնովի կալանքի մասին որոշումը՝ մերժելով դատապարտյալին վաղաժամ ազատ արձակելու մասին դիմումը:

Ըստ «Թուրան» գործակալության, բանտի ղեկավարությունը բլոգերի մասին բացասական բնութագիր էր ուղարկել դատարան՝ պնդելով, որ նա «չի ուղղվել, աշխատանքին բացասաբար է վերաբերվում, չի մասնակցում բարեկեցությանն ուղղված աշխատանքներին և մշակութային միջոցառումներին»:

Բլոգերը 2017 թվականի մարտին երկու տարվա ազատազրկման էր դատապարտվել՝ բարձրաստիճան պաշտոնյային զրպարտելու մեղադրանքով: Մինչդեռ, իրավապաշտպանների պնդմամբ, Հուսեյնովի քրեական հետապնդման իրական պատճառը նրա հրապարակած տեսանյութերն են՝ Ադրբեջանի իշխանության ներկայացուցիչների շքեղ առանձնատների մասին:

Աղբյուրը՝ Ազատություն