-Հասարակության մեջ լարվածությունը բոլոր առումներով շարունակում է պահպանվել,-«7օր»-ի խնդրանքով համամետական անցկացնելով 2008թ. մարտի 1-ի և այսօրվա միջև՝ ասել է Հայ ազգային կոնգրեսի անդամ Վլադիմիր Կարապետյանը։

-Առաջին հերթին դժգոհությունն այն փաստի կապակցությամբ է, որ չունենք ընտրված իշխանություն, երկրորդը սոցիալ-տնտեսական վիճակի կտրուկ վատթարացումն է, գների շարունակական աճը և տնտեսական անկումը։ Նաև ժողովրդավարության նահանջը, մարդու իրավունքների ամբողջությամբ անպաշտպան լինելը։ Դրանք բոլորը նպաստում են, որ ժողովուրդը և մարդիկ իրենց պաշտպանված չզգան։ Բնականաբար, վիճակի բարելավման կամ լարվածության լիցքաթափման մասին խոսելն անիմաստ է,-նշել է Վ. Կարապետյանը։

Ինչ վերաբերում է իշխանություններին, ապա ըստ ՀԱԿ անդամի' այս 2 տարվա ընթացքում նրանք ավելի անբան և ոչ պրոֆեսիոնալ են դարձել.

-Պարտվում են բոլոր ոլորտներում' թե՛ ներքին քաղաքականության՝ չգրանցելով որևէ հաջողություն, թե՛ խայտառակ վիճակ է հատկապես արտաքին քաղաքականության մեջ։

7or.am