Փետրվարի 28-ին, ժամը 18.20-ին Մեղրի քաղաքի ճանապարհային ոստիկանությունից տեղեկություն է ստացվել, որ Ագարակ-Երևան ավ­տո­ճանապարհի 2-րդ կմ-ում տեղի է ունեցել ավտոպատահար, եւ անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռեւս չպարզված հանգամանքներում' իրար են բախվել են «Օպել-Վեկտրա» մակնիշի 08 ՍԼ 569 եւ «ՎԱԶ-21011» մակնիշի 08 ՕԼ 643 պետհամարանիշերի ավտոմեքենաները:

Պատահարի հետևանքով մեքենաների վարորդներ' 1987 թ. ծնված Ն. Հա­կոբ­յանը և 1985 թ. ծնված Մ. Հայրապետյանը, տեղում զոհվել են, իսկ «Օպել-Վեկտրա» մակնիշի ավտոմեքենայի ուղևոր, 1983 թ. ծնված Հ. Ավագյանը և «ՎԱԶ-21011» մակնիշի ավտո­­մեքենայի ուղևորներ' 1985 թ. ծնված Ա. Ծատրյանը, 1984 թ. ծնված Է. Բադալյանը և 1988 թ. ծնված Ա. Միր­զոյանը ստացել են տարբեր մարմնական վնասվածքներ:

Փրկա­րար­ների օգնությամբ տուժածները դուրս են բերվել ավտոմեքենաներից և տեղափոխվել Ագարակի հիվանդանոց:

Բժիշկները տուժածների վի­ճա­կը գնահատել են բավարար: