Այսօր օգոստոսի 13-ին խոշոր և ողբերգական ավտովթար է տեղի ունեցել Տավուշի մարզում։ Ժամը 18։00-ի սահմաններում Դիլիջան քաղաքի Կալինինի փողոցում թիվ 46 տան դիմաց բախվել են Ford մակնիշի 30 OL 672 համարանիշի և ВАЗ 21099 մակնիշի 34 MV 814 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 4 հոգի մարմնական վնասվածքներով տեղափոխվել են Դիլիջանի բժշկական կենտրոն։

Ոստիկանությունն ու քննչական բաժինը պարզում են վարորդների, մահացածի և վիրավորների ինքնությունը։ Դեպքի վայրում հավաքվածներն ասում էին, որ Ford-ը կայանված է եղել իր տան դիմաց, ճանապարհի թույլատրելի հատվածում, երբ ВАЗ 21099-ը բախվել է Ford-ին։ Իսկ 099-ի վարորդը Արտակարգ իրավիճակների նախարարության փրկարար ծառայության աշխատակից է։

Մանրամասները՝ shamshyan.com-ում։