«Ժառանգություն» կուսակցության առաջնորդ Րաֆֆի Հովհաննիսյանը ևխմբակցության քարտուղար Լարիսա Ալավերդյանը փետրվարի 28-ից մարտի 2-ը ԱՄՆ մայրաքաղաք Վաշինգտոնում կմասնակցեն Policy Forum Armenia-ի (PFA, http://www.pf-armenia.org) տարեկան երկրորդ համաժողովին, որը նվիրված է Հայաստան-Սփյուռք հարաբերություններին: Այդ հեղինակավոր համաժողովի թեման Հայաստանի եւ Սփյուռքի փոխներգրավվածության ապահովումն է Հայաստանի ժողովրդավարացման, հայ-թուրքական արձանագրությունների, տնտեսական ոլորտի, կառավարման և համակարգային բարեփոխումների խնդիրներում:

Համաժողովին իրենց մասնակցությունն են բերելու Հայաստանում, ԱՄՆ-ում եւ Եվրոպայում հասարակական, հետազոտական կազմակերպությունների ներկայացուցիչներ, համալսարանականներ, մտավորականներ, դիվանագետներ եւ միջազգային գիտական հեղինակություններ, նրանց թվում' աշխարհահռչակ հայ պատմաբան Ռիչարդ Հովհաննիսյանը:

Համաժողովի առաջին օրը՝ փետրվարի 28-ին, Վաշինգտոնի բարձրակարգ ընդունելությունների Cosmos ակումբում PFA-ն կներկայացնի «Հայաստան-Սփյուռք հարաբերություններ. Անկախությունից 20 տարի անց» զեկույցը:

«Ժառանգություն» կուսակցություն