Լրագրողների հետ հանդիպման ժամանակ արձակագիր Կարինե Խոդիկյանն ասել է, թե Հայաստանում տիրող իրավիճակն անտանելի է։

-Մեզանից յուրաքանչյուրն էլ հասկանում է, որ այս վիճակն անհնար է։ Հասել ենք այն աբսուրդին, որ կեղծվում է ամեն ինչ՝ նախագահի ընտրություններից մինչև «Եվրատեսիլ»,-նշել է նա։

Ըստ Կարինե Խոդիկյանի՝ հիմա եթերից քարոզվող մեր ժամանակի հերոսի կերպարներն են, որ թույլ են տալիս երկրում ամեն տեսակ անարդարությունների հանդուրժումը։

-Կարելի էր սերիալներ ստեղծել դատավորների, բժիշկների, ուսուցիչների, այն փաստաբանների մասին, որոնք ազնվորեն իրենց գործն են անում։ Նայում ենք ու տեսնում, թե  մեր երկիրն ինչ աբսուրդ վիճակի է հասել. դատախազն ավելի քիչ է պահանջում մեղադրյալին բանտարկել (նկատի ունեմ Նիկոլ Փաշինյանի դատավարությունը), իսկ դատավորն ավելի շատ է տալիս։ Եթե ժամանակին իմ նշած կերպարներով սերիալներ ստեղծեին, այսօր այդ վճիռը չէր կարող իրականացվել։ Եթե ազնիվ բժշկի կերպար ստեղծվեր էկրանին, չէին ասի, որ մարտի մեկին խոզի լեզու ու չգիտես ինչի ծնոտ է հայտնվել։ Ուրեմն եկեք շատ լուրջ հասկանանք, որ լավ էլ մտածված այս քանի տարիներին նման հերոսների ստեղծման ճանապարհը փակվել է,-նշել է նա։

7or.am