Կանադայում ցմահ ազատազրկման դատապարտված 2 հայերն ազատ են արձակվել։ Այս մասին տեղեկացնում է «Մարդու իրավունքները Հայաստանում» քաղաքացիական հասարակության ինստիտուտը։ Գևորգ Մարաշլյանն ու Հովիկ Նուբարյանը,  անազատության մեջ էին 1985-ից: 25 տարի առաջ նախկին դատապարտյալները հարձակվել էին Օտտավայում թուրքական դեսպանատան վրա և սպանել «Պինկերտոն» անվտանգության կազմակերպության մի աշխատակցի և դատապարտվել ցմահ ազատազրկման։

Դեսպանատան վրա հարձակվելով տղանրը փորձել են կանադայի ուշադրությունը հրավիրել Հայոց ցեղասպանության փաստի վրա: 2004թ, ապրիլի 21-ին Կանադայի համայնքային պալատը 153 կողմ և 68 դեմ ձայներով ընդունեց Օսմանյան Թուրքիայի կողմից կատարված Հայոց ցեղասպանությունը։

«Համայնքային պալատը ճանաչում ու դատապարտում է Հայոց ցեղասպանությունը՝ որպես մարդկության դեմ ուղղված հանցագործություն» (The House acknowledge the Armenian genocide of 1915 and condemn this as a crime against humanity).

Կանադական կառավարությունը  դեռևս չի հրապարակել ցմահ դատապարտված հայերին ազատ արձակելու իր մոտիվացիան։