«Ելք» խմբակցությունը հուլիսի 16-ին կայանալիք քաղաքապետի ընտրություններում թեկնածու չի առաջադրելու և չի մասնակցելու ավագանու արտահերթ նիստին: Այս մասին նշված է «Ելք» դաշինքի մամլո ծառայության տարածած հայտարարության մեջ.

««Ելք» դաշինքը կարևորում է Երևանի ավագանու ազատ, արդար և թափանցիկ ընտրությունները։ Նկատի ունենալով, որ 2017 թվականին կայացած ավագանու ընտրությունները ուղեկցվել են բազմաթիվ խախտումներով և բռնություններով՝ անհրաժեշտ ենք համարում ներկայիս ավագանու արձակումը և առաջիկայում արտահերթ ընտրությունների անցկացումը։

Հետևաբար՝ հուլիսի 16-ին կայանալիք քաղաքապետի ընտրություններում «Ելք» խմբակցությունը թեկնածու չի առաջադրելու և չի մասնակցելու ավագանու արտահերթ նիստին»:

7or.am