Այսօր ՀՀ կառավարությունում հրավիրված ասուլիսի ժամանակ ՀՀ էկոնոմիկայի նախարար Ներսես Երիցյանը բավական ջղագրգիռ է եղել։ Մի շարք հարցեր նրան ափերից հանել են։ Նա ջղաձգորեն է ընդունել նաև «7օր»-ի թղթակցի այն հարցը, թե ինչո՞ւ ՀՀ կառավարությունը, ասենք, Ուրուգվայի, Սինգապուրի կամ մեկ այլ երկրի փորձի մասին անընդհատ խոսելու փոխարեն, սեփական նախաձեռնությամբ հանդես չի գալիս։

-Մեր կապրիզները երբեմն պայմանավորված են մեր տգիտության հետ ևս, որովհետև մենք այդ հարցերում, հատկապես ծառայությունների ոլորտում, չունենք բավարար ունակություններ և գիտելիքներ, երբ որ ամբողջ աշխարհն իր էկոնոմիկայի 60-70% աշխատում է բարձրարժեք ծառայություններից,- պատասխանել է Ն. Երիցյանը՝ նշելով, որ մշտապես ցանկալի է սովորել ուրիշների փորձից, որի հիման վրա կարելի է ավարտել ինքնուրույն վերլուծությունները և նախանշել զարգացման հեռանկարները։

7or.am