Ամերիկացի հայազգի մոդել Քիմ Քարդաշյանը, ով հայտնի է իր սկանդալային վարքագծով, կարծում է, որ հայերն ու թուրքերը շատ ընդհանրություններ ունեն։

-Նույնիսկ իմ ազգանվան մեջ թուրքական արմատներ կան։ Որքան գիտեմ՝ իմ ազգանունը թուրքերենից թարգմանաբար նշանակում է եղբայր։ Բացի դրանից, փոքր տարիքից մեր ընտանիքում բանջարեղեններն ու մրգերը թուրքերեն են արտասանվել։ Այնպես որ, մենք շատ ընդհանուր բաներ ունենք,-«Hurriyet» թերթին տված հարցազրույցում ասել է Քիմ Քարդաշյանը։

Հայ-թուրքական հարաբերությունների մերձեցման գործընթացի վերաբերյալ իր կարծիքն արտահայտելիս նա ասել է, որ հավատում է այդ մերձեցմանը. «Չնայած ես չեմ հետաքրքրվում քաղաքականությամբ, բայց գիտեմ, որ հարևանները պետք է ապրեն ընկերության և համաձայնության մեջ։ Մեր ժողովուրդները հարևաններ են, և ես գիտեմ, որ դժվար պատմություն ունեն, դրա համար հասկանում եմ, որ ժամանակ է պետք հին վերքերը բուժելու համար»։

Մոդելը նաև ցանկություն է հայտնել օրերից մի օր հանդիպել իր թուրք երկրպագուների հետ։

Ըստ «Regnum.ru»-ի