«Ռոսիա 1» հեռուստաալիքի «Երեկոն Վլադիմիր Սոլովյովի հետ» հաղորդման ժամանակ, երբ ուկրաինացի քաղաքագետ Վյաչեսլավ Կովտունը հայտարարել է, որ Ղարաբաղյան հակամարտությունում պաշտպանում է «Ադրբեջանի տարածքային ամբողջականությունը», հաղորդավար Վլադիմիր Սոլովյովը նրան հակադարձել է․

«Այսինքն՝ Դուք Արցախի դե՞մ եք: Դուք տեղյա՞կ եք, որ Արցախն այն վայրն է, որտեղ հայերը միշտ են եղել: Անգամ ժամանակակից Երևանի տարածքում եղել են ժամանակաշրջաններ, երբ հայեր չեն եղել, իսկ Արցախում հայեր միշտ են եղել: Այդ հարցը ոչ խաղաղ ճանապարհով լուծելու միակ հնարավորությունն Արցախի բոլոր հայերին վերացնելն է, ինչին մարդկությունը չի գնա»:

Նա նաև հավելել է, որ Արցախում ապրել են մարդիկ, որոնք ուսուցիչ են աշխատել, հող են մշակել, իսկ հետո սկսվել է պատերազմը, ընդ որում՝ Խորհրդային Միության ղեկավարության մեղքով․

«Այդ ժամանակ արցախցիները ոտքի ելան և ստիպված էին պաշտպանել իրենց: Դա սարսափելի հակամարտություն է, այն այդպես հեշտ չէ լուծել, դա սարսափելի ժառանգություն է: Այդ պատճառով պետք է շատ զգույշ լինել հայտարարություններում»:

Տեսանյութը կարող եք 1:06 րոպեից։

7or.am