Երևանի ընդհանուր իրավասության առաջին ատյանի դատարանում այսօր շարունակվել է ՊՊԾ գունդը զավթելու և մի շարք ծանր հանցագործություններ կատարելու մեջ մեղադրվողներ Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Վարդան Գերավետյանի, Մարտիրոս Հակոբյանի, Արայիկ Հակոբյանի, Գևորգ Իրիցյանի, Սերգեյ Կյուրեղյանի և Թորոս Թորոսյանի գործով նիստը։

Պաշտպան Տիգրան Եգորյանը միջնորդել է փոխել ամբաստանյալ Արամ Հակոբյանի խափանման միջոց կալանքը, ինչը խորհրդակցական սենյակից վերադառնալով դատավոր Արշակ Վարդանյանը բավարարել է մասնակի՝ որոշելով նրան կալանքից ազատել 500 դրամ գրավի դիմաց։

Փաստաբանը նշել է, որ Արամ Հակոբյանի մոտ առկա են բազմաթիվ ծանր հիվանդություններ և նա ստացիոնար բուժման կարիք ունի, ու այդ ծանր հիվանդություններն անհամատեղելի են բանտային պայմանների հետ։

7or.am