Երեկ հրավիրված մամուլի ասուլի ժամանակ ԱԺ  արտաքին հարաբերությունների մշտական հանձնաժողովի նախագահ Արմեն Ռուստամյանը լրագրողներին հայտնել էր, որ Հովիկ Աբրահամյանին առաջարկելու է Ազգային ժողովում հայ-թուրքական արձանագրությունների վերաբերյալ քննարկում չկազմակերպել, մինչև հանձնաժողովը եզրակացություն չներկայացնի։ Այսօր  ԱԺ արտաքին հարաբերությունների մշտական հանձնաժողովի նիստում միաձայն հավանություն է տրվել այդ որոշմաը։ ԱԺ նախագահին այն կարվի այսօր երեկոյան՝ Հովիկ Աբրահամյանի  ղեկավարությամբ կայանալիք աշխատանքային խորհրդակցության ժամանակ։

ԱԺ ՀՅԴ և «Ժառանգություն» խմբակցությունների ներկայացուցիչները հանդես են եկել հայ-թուրքական արձանագրությունների վավերացման վերաբերյալ խորհրդարանական լսումներ կազմակերպելու նախաձեռնությամբ։ Մյուս երեք խմբակցությունները մինչև երկուշաբթի ԱԺ  արտաքին հարաբերությունների մշտական հանձնաժողովին պետք է ներկայացնեն այս նախաձեռնության վերբերյալ իրենց դիրքորոշումը։