Մայիսի 17-ին, ժամը 12:10-ին «911» ծառայությանը ահազանգ է ստացվել, որ քաղաքացին փորձում է ինքնասպան լինել՝ նետվելով Հաղթանակի կամրջից. անհրաժեշտ է փրկարաների օգնությունը:

Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ, հոգեբանական աջակցության բաժնի կրտսեր հրահանգիչը, Ճգնաժամային կառավարման ազգային կենտրոնի և ‹‹Աղետների բժշկության կենտրոն›› ՊՈԱԿ-ի օպերատիվ խմբերը:

Փրկարարները կանխել են քաղաքացու (Ռ. Վ., ծնված 1963թ.) ինքնասպանության փորձը. ոստիկանության աշխատակիցները վերջինիս տեղափոխել են ոստիկանության Մաշտոցի բաժին: