Արա Նռանյան. «Դաշնակցության և «Ժառանգության» միջև հակասություններ տեսնելը մի քիչ արհեստական է»

● Լրահոս

18.02.2010 ● 16:02

Արա Նռանյան. «Դաշնակցության և «Ժառանգության» միջև հակասություններ տեսնելը մի քիչ արհեստական է»

-Ես կարծում եմ՝ Դաշնակցության և «Ժառանգության» միջև հակասություններ տեսնելը մի քիչ արհեստական է։ Դա նորմալ երևույթ է, եթե մի կուսակցություն տակտիկական խնդիրների շուրջ մտածում է մի քիչ այլ կերպ, մյուսն՝ այլ։ Դա ավելի շատ մոտեցման խնդիր է։ Ի վերջո, երկու քաղաքական ուժերն էլ հայ-թուրքական արձանագրությունների վերաբերյալ իրենց դիրքորոշումը չեն փոխել,- «Իրավունք դե ֆակտո» ակումբում ասել է Արա Նռանյանը։

Նա նշել է, թե տեղյակ է, որ «Ժառանգության» ներկայացուցիչներն ասել են, թե անիմաստ են համարում քննարկումները և Ազգային ժողովի դարպասներից դուրս են պայքարելու, այնինչ Դաշնակցությունը և՛ մեծ հանրահավաք է կազմակերպելու Ազգային ժողովից դուրս, և՛ պայքարելու է քննարկումների ժամանակ։

-Հակառակ դեպքում, եթե մեր գործընկերները լինեն դարպասներից դուրս, պարզապես անիմաստ է դառնում քննարկումը։ Եթե մենք էլ դուրս գանք, քաղաքական մեծամասնությունը պարզապես կոճակի մեկ սեղմումով խնդիրը կարող է լուծել։ Կարծում եմ՝ երբ գան այդ օրերը, «Ժառանգության» ներկայացուցիչները ևս կհասկանան, որ իրենք էլ պետք է մասնակցեն քննարկումներին, և պետք է բոլոր հնարավորություներն օգտագործել արձանագրությունների դեմ պայքարելու համար,- ասել է Ա. Նռանյանը։

Նա նշել է նաև, որ իրենք որոշ հուսահատություն են նկատում մեր գործընկերների մոտ, և կոչ են անում չհուսահատվել, քանի որ քաղաքական գործիչը հուսահատվելու իրավունք չունի։

7or.am