«Սամցխե-Ջավախք-Ծալկա տարածաշրջանի հայապահպանությունը և ջավախահայության իրավունքների պաշտպանությունը» թեմայով սեմինար-քննարկման ժամանակ «Ժառանգություն» կուսակցության վարչության նախագահ Արմեն Մարտիրոսյանը հայտարարել է, որ այսօր առաջնահերթը Ջավախքի հայապահպանության և նրա սոցիալ-տնտեսական խնդիրների լուծումն է։

-Ջավախքն ինքը կարող է լինել լակմուսի թուղթ, հայ-վրացական բարեկամության շատ լավ հիմք, ուղղակի այդ ուղղությամբ աշխատանք է պետք է։ Պետք չէ մատների արանքով նայել,- ասել է Ա. Մարտիրոսյանը՝ ավելացնելով, որ ջավախահայության իրավունքների պաշտպանությունը կարող է խթանել Ջավախքով անցնող և ռազմավարական նշանակություն ունեցող ճանապարհի արդյունավետ օգտագործումը։

Նա նաև հիշեցրել է, որ իր, ՀՀԿ խմբակցության անդամ, «Ջավախք» հայրենակցական միության նախագահ Շիրակ Թորոսյանի և ՀՅԴ խմբակցության անդամ Արծվիկ Մինասյանի կողմից ԱԺ-ի բյուջեի քննարկման ժամանակ առաջարկ է եղել ֆինանսավորել ոչ թե վրացական իշխանությունների ենթակայության տակ գտնվող, այլ իրականում վիրահայերի և ջավախահայերի խնդիրները վեր հանող թերթը, սակայն իրենց այդ առաջարկը չի ընդունվել։

7or.am