Լրագրողների հետ հանդիպման ժամանակ ՀԱԿ ներկայացուցիչ Դավիթ Շահնազարյանն ասել է, որ ՀԱԿ-ի հայտարարած մարտի մեկի հանրահավաքը ծրագրային իմաստով շատ կարևոր է լինելու, և դրա ժամանակ կբարձրաձայնվեն բոլոր հարցերի պատասխանները։

-Կտրվեն ներկա իրավիճակի գնահատականները, հնարավոր զարգացումները, և  կներկայացվեն հերթական քայլերն ու հետագա գործողությունները,-նշել է նա։

Պատասխանելով «7օր»-ի հարցին՝ ե՞րբ է ՀԱԿ-ը հայտարարություններից անցնելու ակտիվ գործողությունների՝ ՀԱԿ ներկայացուցիչը պատասխանել է, թե ակտիվ գործողությունները կարելի է պայմանականորեն բաժանել երկու խմբի՝ զանգվածային և  քաղաքական։

-Քաղաքականը շատ ակտիվ եմ գնահատում։ Զանգվածայինում դադար է հայտարարվել, և դրա պատճառների մասին մենք մանրամասն խոսել, բացատրել ենք։ Այդ դադարը, իհարկե, ունի վերջ։ Ճիշտ պահին կվերականգնվեն այդ ակտիվ, զանգվածային գործողությունները,-ասել է Դավիթ Շահնազարյանը։

7or.am