ՀՀ ԱԺ արտաքին հարաբերությունների հանձնաժողովի նախագահ, ՀՅԴ ԳՄ անդամ Արմեն Ռուստամյանը «Դուպլեքս» մամուլի ակումբում լրագրողներին ասել է, որ ՀՀ ԱԺ արտաքին հարաբերությունների հանձնաժողովում Հայաստան-Թուրքիա արձանագրությունները քննարկելու ձևաչափը որոշելու համար փետրվարի 18-ին նախնական քննարկումներ են սկսելու։

-Ես կառաջարկեմ բոլոր հնարավոր ձևերն էլ օգտագործել՝ լսումներ, ընդլայնված նիստեր, հանդիպումներ, խորհրդակցություններ և այլ ձևաչափեր, որոնք նպատակ են ունենալու ստանալ առաջացած բոլոր հարցերի մասնագիտական պարզաբանումները,-ասել է Ա. Ռուստամյանը։

Թեև օրենքի տառի համաձայն՝ ՀՀ ԱԺ նախագահը կարող է Հայաստան-Թուրքիա արձանագրություններն առաջիկա քառօրյայի ժամանակ դնել քննարկման, սակայն Ա. Ռուստամյանը նշել է, որ մտադիր է՝ իր ղեկավարած հանձնաժողովը դիմի Հովիկ Աբրահամյանին՝ զույգ արձանագրությունների վավերացման հարցն ԱԺ-ում քննարկել Արտաքին հարաբերությունների հանձնաժողովի եզրակացությունից հետո միայն։

7or.am