Ամերիկացիների 52%-ը կարծում է, որ ԱՄՆ նախագահ Բարաք Օբաման արժանի չի 2012թ.-ին երկրորդ ժամկետով երկրի նախգահ ընտրվելու։ Այսպիսին են փետրվարի 12-15-ը CNN հեռուստաընկերության կողմից իրականացված սոցհարցումների արդյունքները։ Հարցվածների 44%-ը պատրաստ է երկու տարի հետո պաշտպանել Օբամայի թեկնածությունը հաջորդ ընտրություններում, 4%-ը իր կարծիքը չի արտահայտել։ Սակայն մինչև նախագահական ընտրությունները դեռևս ժամանակ կա, իսկ Կոնգրեսի կազմի ընտրությունները մոտենում են։ Հանրապետականները հույս ունեն Կոնգրսում ձևավորել մեծամասնություն, դեմոկրատները՝ պահպանել դիրքերը։

CNN-ի անցկացրած հարցման կազմակերպիչ Քիթինգ Հոլանդն ասել է, թե 2010-ը վատ տարի է լինելու նախագահի համար, անկախ նրանից, թե որ կուսակցությունն է նա ներկայացնում։ «Ընտրողները, կարծես, հավասարապես չարացած են ինչպես դեմոկրատների, այնպես էլ հանրապետականների վրա»,-ասել է նա։