-Ազատականությունը մեր ազգին պետք է դիլիմ-դիլիմ տալ, որպեսզի մեկ օրում հիպերհոլանդական բիսեքսուալ չդառնանք,-«Հայացք» մամուլի ակումբում հրավիրված ասուլիսում ասել է «Գոյ» թատրոնի գեղարվեստական ղեկավար Արմեն Մազմանյանը՝ խոսելով ՀՌԱՀ-ի կողմից մշակված չափորոշիչների մասին և շարունակել,-կառավարական ընդունելություններում հագնել իտալական 50 եվրոանոց պուտանկաների շորեր և կարծել, թե շատ «նյու մոդնի» են, գավառական տգիտության, ազգային բարոյաէթիկական համակարգի բացարձակ բացակայության հետևանք է։

-Հիպերազատությունը միանգամից բերում է շիզոֆրենիայի,-ասել է Ա. Մազմանյանը։

«Անկախ» թերթի խմբագիր Վահան Իշխանյանն էլ, անդրադառնալով նույն թեմային, ասել է, թե երբ ազգային դիրքերից ցենզուրայի մասին են խոսում, ինքը դա ապազգային է համարում։

-Չափորոշիչների արդյունքը կլինի այն, որ հայերը նորից կսկսեն ռուսական եթեր նայել։ Այդ սահմանափակումները կարող են հանգեցնել նրան, որ մեր եթերը դառնա տաղտկալի,- նշել է Վահան Իշխանյանը։

7or.am