Փետրվարի12-ին ԵՊՀ-ում տեղի է ունեցել քիմիական ֆակուլտետի դեկանի ընտրություն: Նշենք, որ նախկին դեկան Ա. Ավետիսյանի մահից հետո ֆակուլտետի ղեկավարի պաշտոնը թափուր էր մոտ 3 ամիս: Ուսանողների տեղեկացմամբ՝ ընտրությունն արդար ու թափանցիկ չի եղել, քվեարկությունն անցկացվել է կեղծիքներով:

Բազմաթիվ ուսանողների վկայությամբ՝ մինչև քվեարկությունը  դասախոսների,  ուսանողական խորհրդի նախագահ Ցոլակ Ակոպյանի և ուսանողական գիտական ընկերության նախագահ  Կառլեն Խաչատրյանի կողմից իրենց նկատմամբ ճնշում է գործադրվել: Վերջիններիս ստիպել են ձայն տալ նրանց նախընտրելի թեկնածուի օգտին:

Նշենք, որ դեկանի պաշտոնի համար սկզբում չորս թեկնածու էր պայքարում: Հավակնորդներից մեկը քվեարկությունից առաջ ինքնաբացարկ է հայտնել: Թեև դեկանի պաշտոնի երեք հավակնորդները մարտական տրամադրված չեն եղել, սակայն փոխարենը մրցակցությունը սրել են քվեարկությանը մասնակից մի քանի դասախոսներ:

Գիտակցելով,  որ կընտրվի արժանի թեկնածուն, մի քանի դասախոսներ կեղծարար ռեկտոր Արամ Սիմոնյանի  աջակցությամբ համալսարանի ուսանողական խորհրդին ճնշելով ստիպել են 12 ուսանողի ձայները տալ իրենց թեկնածուին:

Համալսարանի առաքելությունն է կրթել ու ճիշտ դաստիարակել  երիտասարդ սերնդին, սակայն ցավոք մայր բուհում այսօր չի գործում հիմնական սկզբունքը: Համալսարանի ՈւԽ-ի և ՈւԳԸ-ի նախագահների միջոցով ուսանողներին ուղղորդում ն կեղծիքների ու մախինացիաների: Դրա վառ ապացույցն էր այս ընտրությունը: Ուսանողներին առանձնացնելով լսարանում, վախեցնելով և համալսարանից չհեռացնելու պայմանով ստիպել են , որ ուսանողները գնան աըդ կեղծիքին: Եվ սա բացառիկ դեպք չէ, արդեն իսկ համալսարանին հատուկ իրողություն է:

Երբ փորձում էինք դասախոսներից պարզել իրական պատճառը, ռեկտորԱրամ Սիմոնյանը աչքի առաջ տեսնելով գործադրած ճնշումը իրավիճակը գնահատեց շատ նորմալ, ասելով ամեն ինչ շատ  լավ է և կոպտելով դասախոսներին, իր սև գործն արած հեռացավ:

Հանձնաժողովի նախագահ Աշոտ Սաղյանն էլ արժանի չհամարեց պատասխանել մեր հարցին հաղթանակած ասաց. «Մեզանից ինչ եք ուզում, գտեք այն ուսանողներն, որոնք զանգահարել են ձեզ»:

                                               Մի խումբ դասախոսներ և բազում ուսանողներ