Մեկնաբանելով Լոնդոնում ՀՀ նախագահ Սերժ Սարգսյանի ունեցած ելույթը՝ Հայաստանի ռամկավար ազատական կուսակցության փոխատենապետ Էդվարդ Անտինյանը «7օր»-ին ասել է.

-Սերժ Սարգսյանը չի կարող Ղարաբաղի հետ կապված կոշտ մեկնաբանություններ չանել, որովհետև երբեք դեռ չի փարատվել այն կարծիքը, թե հայ-թուրքական հարաբերություններն ուղղակիորեն առնչվում են նաև ղարաբաղյան հարցի կարգավորման հետ։

Է. Անտինյանը նշել է, որ այդ անհանգստությունն ունեն թե՛ Հայաստանում, և թե՛ Հայաստանից դուրս, քանի որ Թուրքիան այս երկու խնդիրները մշտապես կապում է իրար հետ.

-Սերժ Սարգսյանը պետք է փորձի դրանք տարանջատել, որպեսզի հայ-թուրքական հարաբերությունների կարգավորման ճանապարհին որևէ մեկը նրան չմեղադրի ղարաբաղյան խնդրում զիջումների գնալու հարցում։

7or.am