Մոսկվան հայտարարում է Սանկտ Պետերբուրգում ԱՄՆ հյուպատոսությունը փակելու մասին։ Այդ մասին հայտարարել է Ռուսաստանի արտգործնախարար Սերգեյ Լավրովը։

Նա նաև հայտնել է Սանկտ Պետերբուրգից նույնքան դիվանագետներ արտաքսելու մասին, որքան Մեծ Բրիտանիան, Միացյալ Նահանգներն ու մյուս երկրներն արտաքսել են իրենց երկրներից։

Հիշեցնենք՝ ռուսաստանցի նախկին լրտես 66-ամա Սերգեյ Սկրիպալին և նրա 33-ամյա դստերը մարտի 4-ին հայտնաբերել են Սոլսբերիում պարտեզի նստարանին՝ անգիտակից վիճակում:

Մեծ Բրիտանիան Ռուսաստանին է մեղադրում նրանց նյարդապարալիտիկ նյութով թունավորելու համար և Լոնդոնից արտաքսում ռուսաստանցի 23 դիվանագետի:

Մոսկվան կտրականապես հետքում է այս մեղադրանքը և ի պատասխան Լոնդոնի՝ նույն թվով բրիտանացի դիվանագետ արտաքսում Ռուսաստանից:

Աշխարհի գրեթե երեք տասնյակ երկրներ աջակցելով Բրիտանիային՝ իրենց երկրներից արտաքսել են շուրջ 150 ռուսաստանցի դիվանագետի: Իսկ Սլովակիան, Մալթան և Լյուգսեմբուրգն իրենց դեսպաններին հետ են կանչել Մոսկվայից:

Աղբյուրը՝ Ազատություն