Հայաստանի ազգային հավաքականի ավագ Հենրիխ Մխիթարյանը Էստոնիայի հետ ընկերական հանդիպումից հետո պատասխանել է լրագրողների հարցերին:

-Ի՞նչ կասեք հանդիպման մասին:

-Մի քիչ դժվար հանդիպում ստացվեց: Սկզբից լավ չէինք խաղում, լավ չէինք համագործակցում, բայց հետո ամեն բան ուղղվեց: Նույնը կարող եմ ասել երկրորդ կեսի սկզբնամասի համար, բայց հետագայում կրկին կարողացանք խաղի ռիթմը բռնել, բայց արդեն ուշ էր: Ավելացնելու ոչինչ չկա:

-Եղանակային վատ պայմանների մասին:

-Ֆուտբոլ է և ամեն բան կարող է լինել: Առաջին կեսում քամին մեզ խանգարեց, իսկ երկրորդ կեսում՝ արդեն մրցակցին: Կարծում եմ՝ նորմալ հաշիվ գրանցվեց:

-Նորբերտո Բրիասկո Բալեկյանի մասին:

-Քիչ խաղային ժամանակ ստացավ: Ինչ-որ հստակ բան ասել չեմ կարող, բայց կարծում եմ հետագայում մեծ օգուտ կտա թիմին:

-Լիտվայի դեմ առաջիկա հանդիպման մասին:

-Կարծում եմ՝ դեռ պետք վերականգնողական փուլ անցնենք: Պետք է թարմ ուժերով խաղանք Լիտվայի դեմ: Դեռ չենք վերլուծել նրանց խաղը և չգիտենք, թե ինչպես ենք խաղալու: Հույս ունեմ, որ այդ խաղում ավելի լավ կխաղանք:

Աղբյուրը՝ sportal.am