Լրագրողների հետ հանդիպման ժամանակ «Սարդարապատ» շարժման նախաձռնող խմբի անդամ Ժիրայր Սեֆիլյանն ասել է, թե այսօր այնպիսի մի իրավիճակ է, որ ողջ հայ ժողովուրդը պետք է հավաքվի հայաստանակենտրոն ուժ ստեղծելու շուրջ։

-Այսօր քաղաքական դաշտն ամբողջությամբ դուրս է հայաստանակենտրոնությունից, այդպիսի քաղաքական ուժ  չկա։ Անշուշտ, բարեբախտաբար կան անհատներ, որոնք ունեն հայասատանակենտրոն գաղափարախոսություններ,-նշել է նա։

Ըստ Ժիրայր Սեֆիլյանի՝ երկրում փոփոխությունները պետք է արվեն ոչ թե պարզապես իշխանափոխության համար, այլ պետք է ձգտել որակական փոփոխությունների։

 -Մեր՝ «Սարդարապատ» շարժման նախաձեռնությունը հենց այս նպատակի համար էր ծնված։ Մենք պետք է ձևավորենք մի նոր համակարգ, մի նոր դաշտ՝ այս ճահիճից և այս աղբանոցից դուրս գալու համար։ Քաղաքական դաշտն ամբողջությամբ  կարելի է համարել ճահիճ. այս ճահիճից լուծում փնտրել հնարավոր չէ ո՛չ իշխանական ճամբարում, ո՛չ ընդդիմադիր։ Այս ճահիճից դուրս պետք է գալ և ձևավորել նոր համակարգ՝ նոր արժեքներով։ Առանց ծայրահեղությունների մեջ ընկնելու՝ այդ համակարգը ձևավորելուց հետո պետք է ժողովրդին ասել՝ պատրաստվե՛ք, եկել է իշխանություն վերցնելու ժամանակը։ Ժողովուրդն այսօր պատրաստ չէ որևէ քաղաքական ուժի ետևից ամբողջությամբ գնալու։ Սա է մեր ցավը,-նշել է նա։

7or.am