«Սարդարապատ» շարժման նախաձեռնող խմբի անդամ Ժիրայր Սեֆիլյանը լրագրողների հետ հանդիպման ժամանակ ասել է, թե հայ-թուրքական հարաբերությունների հաստատման գործընթացի շարունակությունը, այսպիսի պետություն ունենալու պայմաններում, միայն  ի վնաս մեզ կարող է լինել։

-Թուրքիան ձգտում  է մաքսիմումը ստանալ այս ամբողջ իրավիճակից։ Նրանք ցանկանում են հայկական կողմից կորզել հնարավորինս շատ։ Նրանք  ցանկացած ժամանակ պատրաստ են ստորագրել այս արձանագրությունները, բայց երբ տեսնում են, որ իրենց հետ հարաբերվող կողմը՝ հանձին ՀՀ-ի, չպետություն է (չկա պետություն, այլ կան մի խումբ մրադիկ, որ ունեն անձնական շահեր), փորձում են օգտագրծել հնարավորությունն ու հայ ժողովրդի վերջին ներուժը խլել մեր ձեռքից։ Խոսքն ազատագրված տարածքների մասին է,-նշել է նա։

Ըստ Ժիրայր Սեֆիլյանի, սակայն, հայ-թուրքական հարաբերությունների հաստատման գործընթացին ուղղված բոլոր ջանքերը ջուրն են թափվելու գերտերությունների շահերի բախման պատճառով։

7or.am