«Մարզերի կուսակցության» առաջնորդ Վիկտոր Յանուկովիչը Ուկրաինայի վարչապետ Յուլիա Տիմոշենկոյին կոչ է արել ճանաչել «ժողովրդի կամարտահայտության» արդյունքները և քաղաքական ճգնաժամից խուսափելու համար հրաժարական տալ։

Յանուկովիչը շոշափել է նաև տնտեսական ճգնաժամի և Ռուսաստանի հետ հարաբերությունների հարցը։ Նրա խոսքերով՝ տնտեսական ճգնաժամի դեմ պայքարում Ուկրաինային անհրաժեշտ կլինի թե՛ Արևելքի, թե՛ Արևմուտքի օգնությունը։ Միաժամանակ, սակայն, Յանուկովիչն ընդգծել է, որ արտաքին քաղաքականությունում առաջնահերթությունը Ռուսաստանի և նախկին սովետական մյուս այլ պետությունների  հետ հարաբերություններին կտրվի։

Ի դեպ, Տիմոշենկոն մտադիր էր մամուլի ասուլիսի միջոցով ուկրաինացիներին դիմել նախ փետրվարի 8-ին, այնուհետև 9-ին, սակայն այդպես էլ մինչ այժմ չի մեկնաբանել նախագահական ընտրությունների հետ կապված իրավիճակը։