Հանրային խորհուրդը ՀՀ նախագահին զեկույց կներկայացնի
Վերջին երկու շաբաթվա ընթացքում Հանրային խորհրդի անդամներ Հովհաննես Մուսայելյանը և Հայկ Դեմոյանը մի շարք հանդիպումներ են ունեցել Հայաստանի բուհերում և դպրոցներում՝ քննարկելու և լսելու հեռուստաեթերից մատուցվող արտադրանքի մասին կարծիքները։ Նմանատիպ վերջին հանդիպումը տեղի է ունեցել այսօր Երևանի պետական համալսարանի պրոֆեսորադասախոսական կազմի և ուսանողության հետ։
Հ. Մուսայելյանի խոսքերով՝ հեռուստատեսությամբ ցուցադրվող որոշ ֆիլմեր, հեռուստասերիալներ և հաղորդումներ երբեմն ոտնձգություն են ազգային արժեհամակարգի դեմ, և դրանց հիմնական թիրախը դառնում են դպրոցականները, զինծառայողները և Սփյուռքը։
Այժմ Հանրային խորհրդում ստեղծվել է մշտական հանձնախումբ, որը պետք է ուսումնասիրի հեռուստաեթերի հաղորդումների բովանդակային մասը և դրանց հետևանքները։ Հանձնախմբում ընդգրկված են մասնագետներ, հոգեբաններ, արվեստի գործիչներ, ՀԽ անդամներ և այլն։
-Մենք պարբերաբար անդրադառնալու ենք այս հարցին, անցկացնելու ենք նաև մոնիթորինգային ուսումնասիրություններ, քննարկելու ենք հանրության հետ և զեկույցի ձևով ներկայացնելու ենք երկրի նախագահին,- ԵՊՀ-ում ելույթ ունենալով՝ ասել է Հ. Մուսայելյանը։
Հանրային խորհուրդը ՀՀ նախագահին զեկույց կներկայացնի
Վերջին երկու շաբաթվա ընթացքում Հանրային խորհրդի անդամներ Հովհաննես Մուսայելյանը և Հայկ Դեմոյանը մի շարք հանդիպումներ են ունեցել Հայաստանի բուհերում և դպրոցներում՝ քննարկելու և լսելու հեռուստաեթերից մատուցվող արտադրանքի մասին կարծիքները։ Նմանատիպ վերջին հանդիպումը տեղի է ունեցել այսօր Երևանի պետական համալսարանի պրոֆեսորադասախոսական կազմի և ուսանողության հետ։
Հ. Մուսայելյանի խոսքերով՝ հեռուստատեսությամբ ցուցադրվող որոշ ֆիլմեր, հեռուստասերիալներ և հաղորդումներ երբեմն ոտնձգություն են ազգային արժեհամակարգի դեմ, և դրանց հիմնական թիրախը դառնում են դպրոցականները, զինծառայողները և Սփյուռքը։
Այժմ Հանրային խորհրդում ստեղծվել է մշտական հանձնախումբ, որը պետք է ուսումնասիրի հեռուստաեթերի հաղորդումների բովանդակային մասը և դրանց հետևանքները։ Հանձնախմբում ընդգրկված են մասնագետներ, հոգեբաններ, արվեստի գործիչներ, ՀԽ անդամներ և այլն։
-Մենք պարբերաբար անդրադառնալու ենք այս հարցին, անցկացնելու ենք նաև մոնիթորինգային ուսումնասիրություններ, քննարկելու ենք հանրության հետ և զեկույցի ձևով ներկայացնելու ենք երկրի նախագահին,- ԵՊՀ-ում ելույթ ունենալով՝ ասել է Հ. Մուսայելյանը։
7or.am