Լրագրողների հետ հանդիպման ժամանակ անդրադառնալով Աստանայում կայացած ԵԱՀԿ գագաթնաժողովին՝ ԱԺ պատգամավոր Վարդան Խաչատրյանն ասել է, թե ինքը Ղարաբաղի հարցում ոչ մի սպասելիք չուներ:

-Փաստվել է, որ վճռական քայլեր պետք է ձեռնարկվի Ղարաբաղի խնդրի լուծման համար, բայց թե ինչ կա դրա տակ թաքնված, և ինչպես կշարունակվի գործընթացը, չեմ կարող ասել,-ասել է նա։

Ըստ նրա՝ եթե մեր առջև պետք է դնեն նույն այն պայմանները, որ մեկ-երկու անգամ դրվել են որպես հիմնախնդրի կարգավորման հաջորդական քայլեր, դրանք զիջումներ անելու տեսանկյունից իսկապես վտանգ են պրունակում։

Վարդան Խաչատրյանի խոսքերով՝  Աստանայի գագաթնաժողովը չհասավ իր առջև դրված երեք նպատակին՝ ճգնաժամից Աֆղանստանի և Ղրղզստանի դուրս գալու հարցի լուծմանը, «սառեցված հակամարտությունների» կարգավորմանը և անվտանգության նոր համակրգի ստեղծմանը, և դրա պատճառներից մեկն էլ «Wikileks»-ի հրապարակումներն էին։

-13 կետից բաղկացած վերջնական փաստաթուղթը առլեցուն է հարաբերականությամբ,-ընդգծել է նա։

7or.am