Այսօր Չինաստանի խորհրդարանն ընդունել է սահմանադրական փոփոխությունը, որով չեղարկվում է երկրի ղեկավարի կառավարման ժամկետի սահմանափակումը: Այսպիսով, Չինաստանի առաջնորդը կարող է առանց սահմանափակման 5 տարին մեկ ընտրվել օրենսդիր մարմնի նստաշրջանում։

Քվեարկությանը մասնակցած 2964 պատգամավորից միայն երկուսն են դեմ քվեարկել օրինագծին, երեքը՝ ձեռնպահ:

Այս նոր փոփոխությամբ՝ Չինաստանի գործող նախագահ Սի Ցզինպինն իրավունք ստացավ ցմահ ղեկավարել երկիրը, ում կառավարման ժամկետն ավարտվում էր 2023թ.:

Բացի այս, Սահմանադրության տեքստում ներառվել են Սի Ցզինպինի անունն ու նոր դարաշրջանում չինական առանձնահատկությամբ սոցիալիզմի զարգացման մասին նրա գաղափարները։

7or.am