ՀՀ Գլխավոր դատախազ

Պարոն  Ա. Հովսեփյանին

Հարգելի պարոն Հովսեփյան

ՀՀ Մարդու իրավունքների պաշտպանի աշխատակազմի աշխատակիցները 05.02.2010 թվականին այցելել են ՀՀ ոստիկանության Երևան քաղաքի վարչության ձերբակալված անձանց պահման վայր:

Կատարած այցելության ընթացքում ուսումնասիրվել է ՁՊՎ-ում պահվող անձանց բուժզննության  և բուժօգնության թիվ 4 մատյանը /սկսաց 01.01.2010թ-ից/, որից պարզվել է, որ նշված անձանց ՁԱՊՎ ընդունելիս նրանց մարմնի տարբեր հատվածներում առկա են եղել կարմրակապտավուն հետքեր, այտուցներ, ինչպես նաև քերծվածքներ բաց վերքի տեսքով:

Նշվածներից են՝

տող 1. Խ. Դ. Ռ.-ի ( Կենտրոնի բաժնի քննիչ Գրիգորյան) ձախ ոտքի ոլոքին և ոտնաթաթին կան կարմրակապտավուն հետքեր

տող 4. Հ. Գ. Կ.-ի ( Նոր Նորքի բաժնի քննիչ Ներսիսյան) երկու աչքերի տակ կապտուկներ, ձախ ականջը կարմրած, երկու ոտնաթաթերը այտուցված ու կապտած:

տող 26. Ս. Ա. Մ.-ի (Մաշտոցի բաժնի քննիչ Պողոսյան) 16.01.10թ. գրանցվել է աջ և ձախ ականջների, աջ և ձախ ուսերի, աջ թիակի կապտուկներ, ձախ աչքի տակ կա քերծվածք:

տող  30. Գ. Գ. Ս.-ի զննվել է 17.01.10թ. ժամը 00³⁰: Աջ և ձախ թիակներին կան կարմրակապտավուն հետքեր, (Շենգավիթի բաժնի քննիչ Հովհաննիսյան)

տող  31. Շ. Կ. Գ.-ի մեջքին, ձախ թիկունքին, ձախ ականջին և ձախ բազկին կան կարմրակապտավուն հետքեր, աջ աչքին կարմրավուն հետք զննվել է 17.01.10թ. ժամը 00³⁰  (Շենգավիթի բաժնի քննիչ Հովհաննիսյան)

տող 35.  Հ. Պ. Մ.-ի, քննիչ՝ Հովհաննիսյան աջ և ձախ ականջները կապտած են, աջ և ձախ ուսերին կարմրակապտավուն հետքեր, գոտկատեղի ետևի մասում կա վերք, հետույքի ձախ մասում կա վիրակապ, ոտքերին կան վերքեր: Զննվել է 17.01.10թ. ժամը 22.45 (Արաբկիրի բաժնի քննիչ Հովհաննիսյան)

տող 36. Հ. Ա. Հ.-ի, քննիչ՝ Օհանյան, գլխի վրա կա քերծվածք բաց վերքի տեսքով: Զննվել է 19.01.10թ. ժամը 11.00 (Մալաթիայի բաժնի ավագ քննիչ Օհանյան)

տող 41. Կ. Կ. Ս.-ի, քննիչ Մանգոյան, գրանցվել է 20.01.10թ.  ժամը 21 ճակատի ձախ հատվածում, ձախ ուսագլխին, մեջքի ձախ կողային հատվածում (ՔԳՎ ՀԿԳ ավագ քննիչ Մանգոյան)

տող 55. Ն. Գ. Վ.-ի, գրանցվել է 26.01.10թ. ժամը 01.00-ին, աջ աչքի տակ կապտուկներ, ձախ ոտքին և թևին կան կարմրակապույտ հետքեր, թիկունքին և մեջքին կան կարմրակապտավուն հետքեր ( Էրեբունու բաժնի քննիչ Ավետիսյան):

տող 59. Պ. Մ. Հ.-ի, գրանցվել է 27.01.10թ. ժամը 03.00-ին, երկու թևերի տակ կան կարմրակապտավուն հետքեր և վզին և աջ ծնկին կան կարմրակապտավուն հետքեր, ձախ ձեռքին կան կտրվածքներ (Կենտրոնի բաժնի քննիչ Հովհաննիսյան):

Ելնելով վերոգրյալից և ղեկավարվելով «Մարդու իրավունքների պաշտ­պա­նի մասին» ՀՀ օրենքի դրույթներով՝ խնդրում եմ հայտնել՝ արդյոք նշված փաստերով ՀՀ դատախազության կողմից ձեռնարկվել են համապատասխան միջոցներ և եթե այո, ապա տալ տեղեկատվություն արդյունքների վերաբերյալ:

Հարգանքներով՝ Մարդու իրավունքների պաշտպան                                                         

Ա. Հարությունյան