Ինչպես հաղորդում է թուրքական «ТРТ» պետական ալիքը, Անկարան միջնորդ է հանդիսանում Իրանի և Արևմուտքի միջև հարաբերությունների կարգավորման համար, քանի որ նրանց հարաբերություններում ճգնաժամ է՝ կապված ուրանի հարստացման վերաբերյալ Իրանի կայացրած որոշման հետ։ Այս կապակցությամբ Թուրքիայի արտգործնախարարը մոտակա օրերին կայցելի Թեհրան։
Դավութօղլուն Իրան կատարելիք այցի մասին տեղեկությունները հաստատել է Եվրոպայի խորհրդի գլխավոր քարտուղար Թորբյորն Յագլանդի հետ հանդիպումից հետո տված մամլո ասուլիսի ժամանակ և ընդգծել է, որ առավոտյան խոսել է Իրանի արտգործնախարար Մանուչե Մոթաքիի հետ, և որ առաջիկա հանդիպման համար համապատասխան նախապատրաստություններ են տարվում։
Դավութօղլուի խոսքերով՝ Թուրքիան ամեն ինչ անում է Իրանի և Արևմուտքի միջև ծագած հարցի լուծումը դիվանագիտական ուղով հարթելու ուղղությամբ։