Գերմանիայում բնակվող թուրքերը կանցլեր Անգելա Մերկելին ավելի շատ են սիրում, քան Թուրքիայի նախագահ Ռեջեփ Թայիփ Էրդողանին:

Այս մասին պարզ է դարձել Գերմանիայում սեպտեմբերին անցկացված համապետական ընտրությունների ժամանակ անցկացված սոցհարցումների արդյունքների հրապարակումից:

Դուիսբուրգ-Էսսենի ու Քյոլնի համալսարանների կողմից ազգությամբ թուրք գերմանիայի քաղաքացի ընտրողների շրջանում անցկացված հարցումներից պարզ է դարձել, որ նրանց 35 տոկոսը ձայն է տվել «Սոցիալ դեմոկրատական» ու «Ձախերի» կուսակցություններին, իսկ Թուրքիայի ԱԶԿ-ական (AKP-Արդարություն և զարգացում կուսակցություն) հետ լավ հարաբերություններ ունեցող «Գերմանացի դեմոկրատների ալյանսին» սատարել է նրանց 12 տոկոսը:

Հարցման կազմակերպիչները մասնակիցներին խնդրել են Էրդողանին գնահատել նվազագույնը -5 և առավելագույնը +5 գնահատականով: Էրդողանի միջին գնահատականը կազմել է -2.5: Նույն չափորոշիչներով գնահատված Մերկելի միջին գնահատանը կազմել է +1.5:

Մասնակիցների 66 տոկոսը դեմ է արտահայտվել Թուրքիային Եվրամիություն ընդունելուն:

Նախորդ տարի Թուրքիայում անցկացված սահմանադրական փոփոխությունների հանրաքվեին մասնակցած միաժամանակ Թուրքիայի և Գերմանիայի քաղաքացիություն ունեցող թուրքերի միայն 21 տոկոսն է կողմ արտահայտվել Էրդողանի իշխանության վերարտադրությունը ապահովող նոր սահմանադրությանը:

Աղբյուրը՝ ermenihaber.am