Օմսկի մարզում խուլ ու համրին մահացու ծեծել են նրա ժեստը ոչ ճիշտ ընկալելու պատճառով: Ըստ life.ru-ի, ՌԴ ՔԿ ռեգիոնալ վարչության կայքէջում հաղորդվում է, որ տղամարդը ստացած վնասվածքներից մահացել է հիվանդանոցում:

«2018թ. փետրվարի 24-ին փողոցում խուլ ու համր տուժողի ու նրա հարևանի միջև վիճաբանություն է տեղի ունեցել այն պատճառով, որ խուլ ու համրը ժեստով ծխախոտ է խնդրել, սակայն խմած հարևանին ժեստը վիրավորական է թվացել», - ասվում է հաղորդագրության մեջ:

Նշվում է, որ հարևանը դրանից կատաղել է ու բռունցքներով հարձակվել իրեն նեղացնողի վրա: Կռիվը տեսել է ժեստից վիրավորված տղամարդու կենակցուհին և որոշել նրան պաշտպանել: 39-ամյա կինը մի քանի անգամ մսաղացով հարվածել է հաշմանդամի գլխին:

Խուլ ու համրին գանգուղեղային վնասվածքով հիվանդանոց են տեղափոխել, սակայն բժիշկները չեն կարողացել նրան փրկել: Կասկածյալ կնոջը ձերբակալել են: Քննությունը շարունակվում է:

Աղբյուրը` Փաստինֆո