«7օր»-ի տեղեկություններով՝ Բաղրամյան 26-ից հեռուտաընկերություններին խիստ հրահանգ է իջեցվել օր առաջ ավարտին հասցնել բոլոր հեռուստասերիալները։ Խոսքը հատկապես բռնություն քարոզող, «գողական» աշխարհի մասին պատմող սերիալների մասին է։ Այդպիսով, ամենևին էլ պատահական չէ, որ օրինակ այս ուրբաթ ցուցադրվելու է Շանթ հեռուստաընկերության «Որոգայթ» հեռուստասերիալի վերջին սերիան, իսկ շաբաթ՝ Հանրային հեռուստաընկերության «Որբերը-2»-ի։ Հատկանշական է՝ շտապողականությունն այնքան մեծ է, որ անգամ միաժամանակ երկու սերիա են ցուցադրում, նույնիսկ օգտագործվում են շաբաթ օրերը, այն դեպքում, երբ սովորաբար շաբաթ օրերը այդ սերիալները չեն ցուցադրվել։

Այս մասին պաշտոնական տեղեկություն ստանալու համար «7օր»-ը կդիմի Հեռուստատեսության և ռադիոյի ազգային հանձնաժողովի նախագահ Գրիգոր Ամալյանին, ով այսօր «Հենարան» մամուլի ակումբի հյուրն է լինելու։

7or.am