ՀՀԿ խմբակցության անդամ Համլետ Հարությունյանը լրագրողների հետ հանդիպման ժամանակ ասել է, թե Սերժ Սարգսյանի վարած քաղաքականությունը բավական կշռադատված և ազգային խնդիրներ հետապնդող քաղաքականություն է։

-Պետք է ասեմ, որ բավական ակտիվ, հարձակողական քաղաքականություն է՝ ուղղված դիվանագիտական այդ բլոկադայի ճեղքմանը հատկապես հայ-թուրքական հարաբերությունների կոնտեքստում։ Բավական համարձակ է այդ վճիռը, որովհետև դա ծանրագույն խնդիր է,-նշել է նա։

ՀՀԿ պատգամավորի խոսքերով՝ Թուրքիայի կողմից ՀՀ  նախագահի և ԱԳՆ-ի համապատասխան քայլերին համարժեք քայլեր չեն արվել։

-Թուրքական զինվորականությունը մեծ դեր է խաղում Թուրքիա պետության ճակատագրի մեջ, և, իմ խորին համոզմամբ, այդ վճիռն ավելի շատ կկայացնի ոչ թե թուրքական ԱԺ-ն, այլ ավելի շատ այդ հարցին դրական պետք է նայի գլխավոր շտաբը,-նշել է նա։

Ըստ Համլետ Հարությունյանի՝ բավական չէ, որ միայն մի, այսինքն՝ մեր կողմից ճշգրիտ քայլեր արվեն, և որ պետք են նաև Թուրքիայի համարժեք քայլերը։ Բայց, այս ամենով հանդերձ, նա հույս է հայտնել, որ գործընթացը շարունակական կլինի, և Թուրքիայի հետ հարաբերությունները կկարգավորվեն։

7or.am