Վերաքննիչ քրեական դատարանն այսօր կշարունակի քննել ԼՂՀ ՊԲ նախկին հրամանատար Սամվել Բաբայանի դիմումը: Նախորդ նիստում Բաբայանը հայտարարել էր, որ ինքը պաշտպանվելու կարիք չունի, որովհետև հանցագործություն չի կատարել։

-Քաղաքական իրավիճակի թեժացումն էր պատճառը, որ ինձ մեղադրանքներ ներկայացրեցին,-հավելել էր նա։

Հիշեցնենք, որ 2017թ․ նոյեմբերի 28-ին Կենտրոն և Նորք-Մարաշ վարչական շրջանների ընդհանուր իրավասության դատարանը Սամվել Բաբայանին դատապարտել էր 6 տարվա ազատազրկման։

Նրա փաստաբան Ավետիս Քալաշյանը դիմել է Վերաքննիչ քրեական դատարան՝ պահանջելով բեկանել Կենտրոն և Նորք-Մարաշ վարչական շրջանների ընդհանուր իրավասության դատարանի վճիռը և երկու մեղադրանքով էլ կայացնել արդարացման դատական ակտ՝ հանցակազմի բացակայության պատճառաբանությամբ։

7or.am