Փետրվարի 4-ին Ազգային ժողովում քննարկվել է «Հարկերի մասին ՀՀ օրենքում փոփոխություններ և լրացումներ կատարելու մասին փաթեթը», որն առաջացրել է ԱԺ պատգամավորների դժգոհությունը։ Թե ինչ նպատակ է հետապնդում ներկայացված օրենքի նախագիծը, «7օր»-ը փորձել է պարզել ՀՀԿ խմբակցության անդամ, ԱԺ ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանից, ով ասել է, որ անիմաստ է խոսել օրենքի մասին, որի միայն վերնագիրն է հայտնի, իսկ բովանդակությունը հետո պետք է գա. «Կա օրենքի վերնագիր, և կա օրենքի բովանդակություն։ Օրենսդիրը երեկ քննարկում էր օրենքի վերնագրերը։ Երբ գա այդ բովանդակությունը, այդ ժամանակ կարելի է առարկայորեն քննարկել»։

Ինչ վերաբերում է ԱԺ պատգամավորների բացասական արձագանքին, Գագիկ Մինասյանն ասել է, որ դրանք մտահոգություններ էին.

-Օրենքի վերնագիրն էր միայն առկա. օրենքի բովանդակությունն առկա չէր, հետևաբար դժվար էր ասել, թե ինչ բովանդակություն է ունենալու, ինչ արտոնություններ են տրվելու։ Պատգամավորները մտահոգված էին վերնագրով։  

7or.am