ՀՀ էկոնոմիկայի նախարարության զբոսաշրջության և տարածքային տնտեսական զարգացման վարչության պետ Մեխակ Ապրեսյանը մամլո ասուլիսի ժամանակ ասել է, թե ազգային վիճակագրական ծառայության կողմից հրապարակված տվյալների համաձայն 2009-ին Հայաստան է այցելել 575 281 զբոսաշրջիկ, ինչը 3%-ով ավելի է, քան նախորդ տարվա ցուցանիշը։

-Ըստ զբոսաշրջային համաշխարհային կազմակերպության տվյալների՝ 4% անկում է ապրել համաշխարհային զբոսաշրջության  այցելությունների քանակը։ Չնայած այս անկման պայմաններին՝ Հայաստանում մենք ունենք աճ, թեկուզ և փոքր։ Հայաստան հիմնականում ժամանում են ԱՊՀ երկներից, գերակշիռ մասը՝ Վրաստանից և Ռուսաստանից, ինչպես նաև ԵՄ երկրներից, Իրանից, ԱՄՆ-ից և այլն։ Այցելությունների աշխարհագրությունը գնալով ընդլայնվում է. այնպիսի երկրներից, որտեղից չէին գալիս, արդեն այցելում են, օրինակ՝ լատինաամերիկյան, սկանդինավյան երկրներից,-ասել է նա։

Ըստ Մեխակ Ապրեսյանի՝ 2,1%-ով ավելացել է Հայաստանից մեկնողների թիվը, և այս տարի տուրիզմի նպատակով մեկնել է 526 000 մարդ։

7or.am