-Հայաստանում իսկական ընդդիմություն կա, բայց  կառուցվածքային տեսք չունի։  Հայաստանն այդ պոտենցիալն ունի։ Այնպես չէ, որ Հայաստանն ամլացած է քաղաքական առումով։ Դժբախտաբար, երկիրը կենցաղային շատ ծանր վիճակում է, և քաղաքականությամբ հետաքրքրվող գրագետ մարդիկ չեն ուզում խառնվել սրան, որովհետև չեն ուզում այս պղտոր ջրերի մեջ մտնել։ Ես հեռանկար տեսնում եմ։ Այլ տարբերակ չկա, այլապես կկործանվենք,-մամլո ասուլիսի ժամանակ խոսելով Հայաստանում նոր ընդդիմադիր որակների ձևավորման մասին՝ ասել է «Ակունք» քաղաքական վերլուծությունների կենտրոնի ղեկավար, քաղաքագետ Ռուբեն Հակոբյանը։

Նրա խոսքերով՝ ՀԱԿ-ը և Դաշնակցությունն առանձին հարցերում ընդդիմադիր կեցվածք ունեն, բայց դրանով չի կարող իրական ընդդիմություն ձևավորվել։

-Երկու գործոն կա, որոնց համադրումով իսկապես կարող է լուրջ ընդդիմություն լինել։ Դրանք սոցիալական արդարության և Ղարաբաղի հարցերն են։ Այս երկուսի ճշգրիտ համադրումով կարելի է իսկական ընդդիմություն դառնալ։ Գաղափարն այնպիսին պետք է լինի, որ յուրաքանչյուրի համար ընդունելի դառնա,-նշել է Ռուբեն Հակոբյանը։

7or.am