«Սասնա ծռեր» զինված խմբի անդամ Արայիկ Խանդոյանը երեկ երեկոյան դադարեցրել է հացադուլը։ Այս մասին «Ազատության»-ը փոխանցեցին Արդարադատության նախարարության քրեակատարողական ծառայությունից։

Հանրային կապերի բաժնից նաև հայտնեցին, որ Խանդոյանն արդեն դուրս է բերվել պատժախցից, որտեղ տեղափոխվել էր դեկտեմբերի 29-ին, քանի որ խցում խուզարկության արդյունքում նրա մոտ հայտնաբերվել էին երկու հեռախոս և «ինքնաշեն ալկոհոլային խմիչք»։

Հիշեցնենք՝ Արայիկ Խանդոյանը հացադուլ էր հայտարարել դեկտեմբերի 29-ից։ Բողոքի ծայրահեղ այս քայլով նա զորակցություն էր հայտնում ավելի վաղ հացադուլ հայտարարած զինված խմբի մյուս անդամներին՝ Սմբատ Բարսեղյանին ու Արմեն Բիլյանին, որոնք պահանջում են իրենց Նուբարաշենի բանտից տեղափոխել համեմատաբար լավ պայմաններ ունեցող «Արմավիր» քրեակատարողական հիմնարկ:

Քրեակատարողական ծառայության հանրային կապերի բաժնից «Ազատության»-ը նաև փոխանցեցին, որ Բարսեղյանի և Բիլյանի առողջական վիճակը գնահատվում է բավարար։ Նրանք շարունակում են հացադուլը։

Մանրամասները՝ Ազատություն-ում։