-Իմ խորին համոզմամբ՝ խաղատների գործունեությունը կառավարության և պետության կողմից գովերգվող բիզնես չէ, և այնպես չէ, թե մենք նրանց համար ուշաթափվում ենք։ Եվ եթե ՀՀ-ում կազինո չեղավ, այնպես չէ, որ երկիր կոչնչանա,-լրագրողների հետ հանդիպման ժամանակ խոսելով ՀՀ-ում խաղատների գործունեության մասին՝ ասել է ՀՀԿ խմբակցության անդամ, ԱԺ տնտեսական հարցերով մշտական հանձնաժողվի նախագահ Վարդան Այվազյանը։

Նրա խոսքերով՝ ինքը նույնիսկ լրատվամիջոցներին՝ թերթերին, ռադիոներին, հեռուստաընկերություններին առաջարկում է, որ խաղատների այդպիսի շքեղ գովազդներ  չանեն։

Այն հարցին, թե ինչո՞ւ այդ առաջարկի վերաբերյալ ինքն օրենսդրական նախաձռնությամբ հանդես չի գալիս, Վարդան Այվազյանը պատասխանել է՝ ի՞նչ է, պարտադիր է օրե՞նք լինի, որ մարդ գողություն չանի։

-Մի մեղադրեք ինձ այն բանի մեջ, ինչը իմը չէ։ Ես 131 պատգամավորներից ընդամենը մեկն եմ,-նշել է նա։

7or.am